ଜାଣନ୍ତୁ ଶ୍ରାବଣ ମାସରେ ଶିବଙ୍କୁ ପୂଜା କରିବାପାଇଁ କେଉଁ କେଉଁ ତିଥି ବିଶେଷ, ମିଳିଥାଏ ବିଶେଷ ଫଳ

ହିନ୍ଦୁ ପଞ୍ଚାଙ୍ଗ ଅନୁସାରେ ପବିତ୍ର ଶ୍ରାବଣ ମାସ ହିନ୍ଦୁ ପଞ୍ଚାଙ୍ଗର ପଞ୍ଚମ ମାସ ଏବଂ ଶିବଙ୍କର ପ୍ରିୟ ମାସ ହୋଇଥାଏ | ଶ୍ରାବଣ ମାସରେ ସାରା ଦେଶରେ ବର୍ଷା କାଳ ଆରମ୍ଭ ହୋଇଯାଏ ଏବଂ ଚାରିଆଡେ ଶିବଙ୍କ ପୂଜା କରାଯାଏ | ଏହି ସମୟରେ ମନ୍ଦିର ଏବଂ ଶିବାଳୟରେ ଶିବଙ୍କ ପୂଜା ପାଇଁ ଲୋକମାନଙ୍କ ଭିଡ଼ ଲାଗି ରହିଥାଏ | ଶ୍ରାବଣ ମାସରେ ଶିବ ଭକ୍ତ ସେମାନଙ୍କ ଅନୁଯାୟୀ ନିଜ ଆରାଧ୍ୟ ମହାଦେବଙ୍କୁ ପ୍ରସନ୍ନ କରିବାକୁ ଚେଷ୍ଟା କରିଥାନ୍ତି | ଶାସ୍ତ୍ର ଅନୁଯାୟୀ, ପୁରା ଶ୍ରାବଣ ମାସ ଶିବ ଆରାଧନା ସହିତ ଜଡିତ ହୋଇଥାଏ ଏବଂ ଭଗବାନ ଶିବଙ୍କୁ ସମର୍ପିତ ହୋଇଥାଏ | ସେହିପରି ଏହି ମାସରେ କିଛି ବିଶେଷ ତିଥି ଏବଂ ପର୍ବରେ ଶିବ ପୂଜା କରିବାଦ୍ୱାରା ବିଶେଷ ଲାଭ ମିଳିଥାଏ | ତେବେ ଆସନ୍ତୁ ଜାଣିବା ଶ୍ରାବଣ ମାସରେ ଶିବ ପୂଜା କରିବାପାଇଁ ବିଶେଷ ତିଥି ଏବଂ ପର୍ବ ବିଷୟରେ |

ସୋମବାର :-

ଶ୍ରାବଣ ମାସରେ ସୋମବାର ଦିନ ଭଗବାନ ଶିବଙ୍କ ବ୍ରତ ଏବଂ ପୂଜା କରିବାର ବିଶେଷ ମହତ୍ୱ ରହିଥାଏ | ସେହିପରି ଏହି ବର୍ଷ ଶ୍ରାବଣ ମାସରେ ଚାରିଟି ସୋମବାର ପଡୁଛି, ଯାହାକି ଜୁଲାଇ ୨୬, ଅଗଷ୍ଟ ୨, ଅଗଷ୍ଟ ୯ ଏବଂ ଅଗଷ୍ଟ ୧୬ ଅଟେ | ସୋମବାର ବ୍ରତ କରିବାଦ୍ୱାରା ବ୍ୟକ୍ତି ସବୁ ପ୍ରକାରର ଦୁଃଖରୁ ମୁକ୍ତି ପାଇଥାଏ ଏବଂ ଆଜିକାଲି କୁଆଁରୀ କନ୍ୟାମାନଙ୍କ ଦ୍ୱାରା ବ୍ରତ କରିବାଦ୍ୱାରା ସେମାନଙ୍କୁ ମନଇଚ୍ଛା ବର ମିଳିଥାଏ |

କଳାଷ୍ଟମୀ :-

ସେମିତିରେ ତ ପ୍ରତ୍ୟେକ ମାସ କଳାଷ୍ଟମୀର ପର୍ବ ପାଳନ କରାଯାଇଥାଏ ଏବଂ ଏହି ଦିନ ଭଗବାନ ଶିବଙ୍କ କାଳଭୈରବ ସ୍ୱରୂପ ପୂଜା କରାଯାଇଥାଏ, କିନ୍ତୁ ଶ୍ରାବଣ ମାସରେ କଳାଷ୍ଟମୀର ବିଶେଷ ମହତ୍ୱ ରହିଥାଏ | ପଞ୍ଚାଙ୍ଗ ଅନୁଯାୟୀ, ଶ୍ରାବଣ ମାସରେ କୃଷ୍ଣ ପକ୍ଷର ଅଷ୍ଟମୀ ଦିନ କଳାଷ୍ଟମୀର ବ୍ରତ ଏବଂ ପୂଜା କରାଯାଏ | ଶ୍ରାବଣ ମାସରେ କଳାଷ୍ଟମୀ ବ୍ରତ ଜୁଲାଇ ୩୧ ତାରିଖ ୨୦୨୧ ଦିନ ଶନିବାରକୁ ରହିଛି |

ପ୍ରଦୋଷ ବ୍ରତ :-

ପଞ୍ଚାଙ୍ଗ ଅନୁଯାୟୀ, ପ୍ରତ୍ୟେକ ମାସର ଦୁଇ ପକ୍ଷ ମଧ୍ୟରେ ତ୍ରୟୋଦଶୀ ତିଥି ଦିନ ଭଗବାନ ଶିବଙ୍କୁ ପ୍ରସନ୍ନ କରିବାପାଇଁ ପ୍ରଦୋଷ ବ୍ରତ ରଖିବାର ବିଧାନ ଅଟେ | ଏହି ବ୍ରତର ପ୍ରଭାବ ଦ୍ୱାରା ଅନେକ ପ୍ରକାରର ଦୋଷ ଦୂର ହୋଇଯାଏ ଏବଂ ବ୍ୟକ୍ତି ସଂସାରର ସବୁ ସୁଖକୁ ଭୋଗକରି ଶେଷରେ ଶିବ ଲୋକ ଯାଇଥାଏ | ସେହିପରି ଶାସ୍ତ୍ରରେ ଶ୍ରାବଣ ମାସର ପ୍ରଦୋଷ ବ୍ରତକୁ ବହୁତ ଅଧିକ ମହତ୍ୱ ଦିଆଯାଇଛି | ଶ୍ରାବଣ ମାସରେ କୃଷ୍ଣ ପକ୍ଷର ପ୍ରଦୋଷ ବ୍ରତ ଅଗଷ୍ଟ ପାଞ୍ଚ ତାରିଖ ୨୦୨୧ ଦିନ ଗୁରୁବାର ଏବଂ ଶୁକ୍ଳ ପକ୍ଷର ପ୍ରଦୋଷ ବ୍ରତ ଅଗଷ୍ଟ ୨୦ ଦିନ ଶୁକ୍ରବାର ଦିନ ପଡୁଛି |

ମାସିକ ଶିବରାତ୍ରି :-

ମାସିକ ଶିବରାତ୍ରିର ପର୍ବ ଶିବ ଏବଂ ଶକ୍ତିର ମିଳନ ପର୍ବ ଅଟେ ଏବଂ ଶିବରାତ୍ରିର ବ୍ରତ ଶିବ-ପାର୍ବତୀର ଆଶୀର୍ବାଦ ପ୍ରାପ୍ତ କରିବାପାଇଁ ସବୁଠାରୁ ଅଧିକ ଉପଯୁକ୍ତ କୁହାଯାଏ | ସେହିପରି ଶ୍ରାବଣ ମାସର ଶିବରାତ୍ରି ଦିନ ଭଗବାନ ଶିବଙ୍କ ପୂଜା କରିବାଦ୍ୱାରା ବ୍ୟକ୍ତିର ସବୁ ମନସ୍କାମନା ପୂରଣ ହୋଇଥାଏ | ପଞ୍ଚାଙ୍ଗ ଅନୁଯାୟୀ, ଶ୍ରାବଣ ମାସିଆ ଶିବରାତ୍ରି ଅଗଷ୍ଟ ୬ତାରିଖ ୨୦୨୧ ଦିନ ଶୁକ୍ରବାରରେ ପଡୁଛି |

ନାଗପଞ୍ଚମୀ :-

ଶ୍ରାବଣ ମାସରେ ନାଗପଞ୍ଚମୀର ପର୍ବ ଶ୍ରାବଣ ମାସର ଶୁକ୍ଳ ପକ୍ଷର ପଞ୍ଚମ ତିଥି ଦିନରେ ପାଳନ କରାଯାଏ | ଏହି ଦିନ ନାଗ ଦେବତାଙ୍କୁ ପୂଜା କରାଯାଇଥାଏ ଏବଂ ନାଗମାନଙ୍କୁ କ୍ଷୀର ପିଇବାକୁ ଦିଆଯାଏ | ଏହି ବର୍ଷ ନାଗପଞ୍ଚମୀ ଅଗଷ୍ଟ ୧୩ ତାରିଖ ୨୦୨୧, ଶୁକ୍ରବାର ଦିନ ପଡୁଛି |