ଗୁଜୁରାଟର ଆଙ୍କଲେଶ୍ୱରର ଏକ ଘରୋଇ ଡାକ୍ତରଖାନାରେ ପ୍ରାୟ ଏକ ମାସ ପୂର୍ବରୁ ତାଙ୍କ ସଲାଇଁନ ବୋତଲରେ ବିଷ ଦ୍ରବଣ ପୁରାଇ ତାଙ୍କ ପତ୍ନୀଙ୍କୁ ହତ୍ୟା କରିଥିବା ଅଭିଯୋଗରେ ରବିବାର ଦିନ ଜଣେ ବ୍ୟକ୍ତିଙ୍କୁ ଗିରଫ କରାଯାଇଥିଲା। ପୋଲିସ ଏହି ସୂଚନା ଦେଇଛି। ଅଙ୍କଲେଶ୍ୱର ନଗର ପୋଲିସ ଷ୍ଟେସନର ଜଣେ ଅଧିକାରୀ କହିଛନ୍ତି ଯେ ବିିିବାହ ଜନିତ ମତଭେଦ ପାଇଁ ଅଭିଯୁକ୍ତ ଏହି ଅପରାଧ କରିଥିଲା।
ଛାତି ଯନ୍ତ୍ରଣାର ଚିକିତ୍ସା ପାଇଁ ଉର୍ମିଲା ଭାସାଭା (34) ଡାକ୍ତରଖାନାରେ ଭର୍ତ୍ତି ହୋଇଥିଲେ ମଧ୍ୟ ଚିକିତ୍ସା ସମୟରେ ତାଙ୍କର ମୃତ୍ୟୁ ହୋଇଥିଲା। ଶୁକ୍ରବାର ଦିନ ଫୋରେନସିକ୍ ରିପୋର୍ଟ ଆସିବା ପରେ ଏହି ମାମଲା ସାମ୍ନାକୁ ଆସିଛି। ଫୋରେନସିକ୍ ରିପୋର୍ଟ ପ୍ରମାଣିତ କରିଛି ଯେ ଭାସାଭାଙ୍କ ମୃତ୍ୟୁ ସିଆନାଇଡ୍ କାରଣରୁ ହୋଇଛି। ଅଙ୍କଲେଶ୍ୱରର ଏକ କାରଖାନାରେ କାର୍ଯ୍ୟ କରୁଥିବା ଜିଗ୍ନେଶ ପଟେଲ ତାଙ୍କ ପତ୍ନୀ ଭାସାଭାଙ୍କୁ ବିଷ ଦେଇଥିଲେ।
ସିଆନାଇଡ୍ ଦିଆଯିବା ପରେ ମହିଳାଙ୍କ ମୃତ୍ୟୁ ଘଟିଥିଲା ଏବଂ ସେହି ସମୟରେ ଦୁର୍ଘଟଣାଜନିତ ମୃତ୍ୟୁ ମାମଲା ପଞ୍ଜିକୃତ ହୋଇଥିଲା ବୋଲି ପୋଲିସ ଅଧିକାରୀ କହିଛନ୍ତି। ମହିଳାଙ୍କୁ ଚିକିତ୍ସା ପାଇଁ ଜୁଲାଇ 8 ରେ ଡାକ୍ତରଖାନାରେ ଭର୍ତ୍ତି କରାଯାଇଥିଲା।
ଡାକ୍ତରଖାନାର ଡାକ୍ତର ଏବଂ କର୍ମଚାରୀମାନେ ଉପସ୍ଥିତ ନଥିବା ବେଳେ ଏହି ଘଟଣା ଘଟିଥିଲା। ଅଧିକାରୀ କହିଛନ୍ତି ଯେ ଫୋରେନସିକ୍ ସାଇନ୍ସ ଲାବୋରେଟୋରୀ (FSL) ର ରିପୋର୍ଟ… ଅନୁସାରେ ତାଙ୍କ ସ୍ତ୍ରୀ ଙ୍କ ଦେହ ରେ ବିିଷ ଦିଆ ଯାଇଛି ଜାଣିବା ପରେ ଅଭିଯୁକ୍ତ ସ୍ଵ୍ବାମୀ କୁ ଗିରଫ କର ଯାଇଛି