ସୋସିଆଲ ମିଡିଆରେ ଆଜିକାଲି ଜୀବଜନ୍ତୁମାନଙ୍କ ସହିତ ଜଡିତ କିଛି ନା କିଛି ଭିଡିଓ ଭାଇରଲ ହୋଇଥାଏ | ଆଜିକାଲି ସାପର ଗୋଟିଏ ଭିଡିଓ ଭାଇରଲ ହେଉଛି | ତେବେ ସାପ ଶବ୍ଦ ଶୁଣିବାମାତ୍ରେ ହିଁ ଲୋମଟାଙ୍କୁରୀ ଉଠେ | କିଛି ଲୋକ ତ ଭୟରେ ଥରିଉଠନ୍ତି | ବର୍ତ୍ତମାନ ଟିକେ ଭାବନ୍ତୁ, ଯଦି କୌଣସି ସାପ କାହା ସାମନାକୁ ଆସିଯାଏ, ତେବେ କଣ ହେବ | ଏପରି କିଛି ଘରେ ଖେଳୁଥିବା ଗୋଟିଏ ଛୋଟ ଝିଅ ସହିତ ହୋଇଗଲା | ଭାଇରଲ ଭିଡିଓରେ ଝିଅଟି ରୁମରେ ଅଚାନକ ଏକ ବଡ଼ କଳା ସାପ ଆସିଯାଏ |
ଭାଇରଲ ଭିଡିଓରେ ଗୋଟିଏ ଝିଅ ରୁମରେ ଖେଳଣା ଧରି ଖେଳୁଥିବାର ଦେଖାଯାଉଛି | ସେହିପରି ପାଖରେ ଜଣେ ମହିଳା ଟେବୁଲରେ କିଛି କାମ କରୁଥିବାର ଦେଖାଯାଉଛି | ଏହି ସମୟରେ ମହିଳାଙ୍କୁ କାହାର ଗୋଟେ କଲ ଆସେ ଏବଂ ସେ ଝିଅଟିକୁ ଏକୁଟିଆ ଛାଡି ରୁମରୁ ବାହାରକୁ ଚାଲିଯାନ୍ତି | ଠିକ ସେତିକିବେଳେ ରୁମରେ ଗୋଟିଏ କଳା ସାପ ପଶିଆସେ | କିନ୍ତୁ ମହିଳାଙ୍କ ଧ୍ୟାନ ତା ଉପରକୁ ଯାଏନାହିଁ |
View this post on Instagram
ଏହି ସମୟରେ ଝିଅଟି ଖେଳଣା ଦ୍ୱାରା ଖେଳିବାରେ ବ୍ୟସ୍ତ ଥାଏ | ବହୁତ ସମୟ ପର୍ଯ୍ୟନ୍ତ ସେ ମଧ୍ୟ ସାପକୁ ଦେଖିପାରେ ନାହିଁ | ଏହାପରେ ସେ ସାପକୁ ଦେଖିନିଏ ଏବଂ ସାପ ଆଡକୁ ଯିବାକୁ ଲାଗେ | ଏ ପର୍ଯ୍ୟନ୍ତ ଦେଖିବାପରେ ବିଶ୍ୱାସ କରନ୍ତୁ ଆପଣଙ୍କ ହୃଦୟ କିଛି ସମୟପାଇଁ ଡରିଯିବ | ତେବେ ଏହାପରେ ଯାହା ହେଲା, ତାକୁ କେହି ବି ଅନୁମାନ କରିପାରି ନଥିଲେ | ଝିଅଟି ସାପ ଆଡକୁ ଗୋଟିଏ ଗୋଟିଏ କରି ଖେଳଣା ଫିଙ୍ଗିବାକୁ ଲାଗେ | ଏହା ଦେଖି ଏପରି ଲାଗୁଛି ଯେପରି ସେ ସାପ ଠାରୁ ବଞ୍ଚିବାକୁ ଚେଷ୍ଟା କରୁଛି | ଭିଡ଼ିଓଟି କେବଳ ଏତିକି ରହିଛି | ଆଗକୁ କଣ ହେଲା ଏହା ବିଷୟରେ କୌଣସି ସୂଚନା ନାହିଁ |
ଇନ୍ସଟାଗ୍ରାମରେ insta_cellibrate ନାମକ ଆକାଉଣ୍ଟରେ ଏହି ଭିଡିଓକୁ ସେୟାର କରାଯାଇଛି | ଯାହାକୁ ୯୦ ଲକ୍ଷରୁ ଅଧିକ ଲୋକ ଦେଖି ସାରିଛନ୍ତି | ଅଧିକାଂଶ କମେଣ୍ଟରେ ଲୋକମାନେ ଏହା ପଚାରୁଛନ୍ତି ଯେ ଝିଅଟି ଠିକ ଅଛି କି ନାହିଁ | ଲୋକମାନେ ପେଜ ଆଡମିନଙ୍କୁ ପୁରା ଭିଡିଓ ଅପଲୋଡ଼ କରିବାକୁ କହୁଛନ୍ତି |