ମା ଲକ୍ଷ୍ମୀଙ୍କର ବର୍ଷିବ କୃପା, ବାସ ଘରର ମୁଖ୍ୟ ଦ୍ୱାରରେ କରନ୍ତୁ ଏହି ଗୋଟେ କାମ

ବ୍ରତ ଏବଂ ପୂଜା ପଛରେ ବିଶ୍ୱାସ ରହିଛି ଯେ ଏପରି କରିବାଦ୍ୱାରା ମା ଲକ୍ଷ୍ମୀ ପ୍ରସନ୍ନ ହୁଅନ୍ତି ଏବଂ ଧନ ବର୍ଷା କରିଥାନ୍ତି | କିନ୍ତୁ ଶାସ୍ତ୍ର ଅନୁଯାୟୀ ଯଦି ଆପଣ ଜୀବନସାରା କିଛି ଭୁଲ କରି ଚାଲିଥିବେ, ତେବେ କେବେ ହେଲେ ମା ଲକ୍ଷ୍ମୀ ଆପଣଙ୍କ ଉପରେ ସନ୍ତୁଷ୍ଟ ହେବେନାହିଁ | ଆସନ୍ତୁ ଜାଣିବା ବ୍ୟକ୍ତିର କେଉଁ କାମରେ ରାଗିଥାନ୍ତି ମା ଲକ୍ଷ୍ମୀ ଏବଂ ତାଙ୍କୁ ପ୍ରସନ୍ନ କରିବାପାଇଁ କଣ କରିବା ଉଚିତ |

ଏହି ଲୋକଙ୍କୁ ରାଗିଥାନ୍ତି ମା ଲକ୍ଷ୍ମୀ :-

– ସେହି ଲୋକ, ଯେଉଁମାନେ ସକାଳେ ଠିକ ସମୟରେ ଉଠିନଥାନ୍ତି |

– ସେହି ଲୋକ, ଯେଉଁମାନେ ଧନକୁ ଦୁରୁପଯୋଗ କରିଥାନ୍ତି |

– ସେହି ଲୋକ, ଯେଉଁମାନେ କନ୍ୟା, ସ୍ତ୍ରୀ ଏବଂ ଶାସ୍ତ୍ରକୁ ସମ୍ମାନ କରନ୍ତି ନାହିଁ |

– ସେହି ଲୋକ, ଯେଉଁମାନେ ଦିନରେ ଶାରୀରିକ ସମ୍ବନ୍ଧ ସ୍ଥାପନ କରିଥାନ୍ତି |

– ସେହି ଲୋକ, ଯେଉଁମାନେ ନିଜର ଆଖପାଖ ସ୍ଥାନରେ ଅଳିଆ ଆବର୍ଜନା ରଖିଥାନ୍ତି | ସେମାନଙ୍କଠାରେ ମଧ୍ୟ ମା ଲକ୍ଷ୍ମୀ ଅସନ୍ତୁଷ୍ଟ ହୋଇଥାନ୍ତି |

ମା ଲକ୍ଷ୍ମୀଙ୍କୁ ପ୍ରସନ୍ନ କରିବାପାଇଁ ଉପାୟ :-

ମା ଲକ୍ଷ୍ମୀଙ୍କ କୃପା ଯେଉଁ ବ୍ୟକ୍ତି ଉପରେ ଥାଏ, ତାକୁ ଜୀବନସାରା କେବେ ବି ଆର୍ଥିକ ଅସୁବିଧା ଦେଇ ଗତି କରିବାକୁ ପଡେନାହିଁ | ଏପରି ବ୍ୟକ୍ତିଙ୍କ ଜୀବନରେ କେବଳ ସୁଖ ଭରିଯାଏ | ଯେପରିକି ଆମେ କହିଲୁ ଯେ କିଛି ଖରାପ କାମ ପାଇଁ ମା ଲକ୍ଷ୍ମୀ ଅସନ୍ତୁଷ୍ଟ ହୋଇଥାନ୍ତି | କିନ୍ତୁ ଏହା ବ୍ୟତୀତ କୁଣ୍ଡଳୀ ଦୋଷ ମଧ୍ୟ ଆମ ଆର୍ଥିକ ସମସ୍ୟାର କାରଣ ହୋଇଥାଏ | ଏପରି ପରିସ୍ଥିତିରେ ଆମକୁ କିଛି ଶାସ୍ତ୍ରୀୟ ଉପାୟ କରିବା ଉଚିତ | ଆସନ୍ତୁ ଜାଣିବା ମା ଲକ୍ଷ୍ମୀଙ୍କୁ ପ୍ରସନ୍ନ କରିବାପାଇଁ କିଛି ଶାସ୍ତ୍ରୀୟ ଉପାୟ ବିଷୟରେ |

– ଘରେ ସର୍ବଦା ଖୁସି ରହିବାପାଇଁ ଲକ୍ଷ୍ମୀ ପଞ୍ଚମୀ ଦିନ ଘରର ମୁଖ୍ୟ ଦ୍ୱାରରେ ସୁନ୍ଦର ଝୋଟି ବା ରଙ୍ଗୋଲି ତିଆରି କରନ୍ତୁ | ଏହି ଝୋଟି ଘରର ବିବାହିତା ମହିଳା ତିଆରି କଲେ ଆହୁରି ଭଲ |

– ଲକ୍ଷ୍ମୀ ପଞ୍ଚମୀ ଦିନ ଆପଣଙ୍କ ଘର ସଫାସୁତରା ରହିବା ଉଚିତ | ଏମିତିରେ ତ ସବୁଦିନ ଘରକୁ ସଫା କରିବା ଉଚିତ, ଏପରି କରିବାଦ୍ୱାରା ମା ଲକ୍ଷ୍ମୀଙ୍କ କୃପା ମିଳେ |

– ଘରର ମୁଖ୍ୟ ଦ୍ୱାରରେ ମା ଲକ୍ଷ୍ମୀଙ୍କର ପାଦ ଚିହ୍ନ ତିଆରି କରନ୍ତୁ | ଏହାକୁ ସିନ୍ଦୁରରେ ତିଆରି କରନ୍ତୁ |

– ଘରର ମୁଖ୍ୟ ଦ୍ୱାର ପାଖରେ ଝାଡୁ, ଅଳିଆ, ଚପଲ ଇତ୍ୟାଦି ରଖନ୍ତୁ ନାହିଁ | ଏଗୁଡ଼ିକୁ ଏପରି କୌଣସି ସ୍ଥାନରେ ରଖି ଦିଅନ୍ତୁ ଯେଉଁଠାରେ ସହଜରେ ନଜର ପଡିବ ନାହିଁ |

– ଘରର କୌଣସି କବାଟକୁ ଖୋଲିବା କିମ୍ବା ବନ୍ଦ କରିବା ସମୟରେ ଯଦି ସେଥିରେ ଶବ୍ଦ ହୁଏ, ତେବେ ତାର କବଜାରେ ତେଲ ଦିଅନ୍ତୁ | ଘରେ ଶବ୍ଦ କରୁଥିବା କବାଟ ଘରର ସୁଖ-ଶାନ୍ତି ଛଡାଇ ନେଇଥାନ୍ତି |