କେହି ଜଣେ ଅନିଲ କପୁର ଙ୍କୁ ପଚାରିଲେ ଆପଣ ଯୁବକ ଦେଖାଯିବା ପାଇଁ ସାପ ରକ୍ତ ପିଅନ୍ତି କି, ଅଭିନେତା ଦେଲେ ଏହି ଜବାବ

ବଲିଉଡ ଅଭିନେତା ଅନିଲ କପୁର ନିକଟରେ ଅରବାଜ ଖାନଙ୍କ ଶୋ ପିଞ୍ଚ 2 ରେ ଦେଖାଦେଇଥିଲେ | ଏହି ସମୟରେ ସେ ଟ୍ରୋଲରମାନଙ୍କର ଅଜବ ପ୍ରକାରର କଥାଗୁଡ଼ିକର ଜବାବ ଦେଲେ | ବାସ୍ତବରେ ଶୋରେ ଅରବାଜ ଅତିଥି ଭାବରେ ଆସିଥିବା ସେଲିବ୍ରେଟିଙ୍କୁ ସୋସିଆଲ ମିଡିଆରେ ହେଉଥିବା ଟ୍ରୋଲିଙ୍ଗର କିଛି ବଛା ବଛା କମେଣ୍ଟ ପଢି ଶୁଣାଇଥାନ୍ତି, ଯାହା ଉପରେ ସେଲିବ୍ରେଟି ଜବାବ ଦିଅନ୍ତି | ଅରବାଜ ଅନିଲ କପୁରଙ୍କୁ ମଧ୍ୟ ଏପରି କିଛି କମେଣ୍ଟ ପଢି ଶୁଣାଇଲେ ଏବଂ ଅନିଲ କପୁର ଜବରଦସ୍ତ ଭାବେ ଜବାବ ଦେଲେ |

୬୪ ବର୍ଷୀୟ ଅନିଲ କପୁର ବର୍ତ୍ତମାନ ମଧ୍ୟ ଯୁବକ ପରି ଦେଖାଯାଉଛନ୍ତି, ଯେଉଁଥିରେ ଅରବାଜ ଭିଡିଓରେ କିଛି ଲୋକଙ୍କ ରିଆକ୍ସନ ଦେଖାଇଛନ୍ତି | ଜଣେ ଫ୍ୟାନ କମେଣ୍ଟ କରିଛନ୍ତି, “ମତେ ଲାଗୁଛି ଅନିଲ ଜଣେ ପ୍ଲାଷ୍ଟିକ ସର୍ଜନଙ୍କ ସହ ରୁହନ୍ତି |” ଅନ୍ୟ ଜଣେ ବ୍ୟକ୍ତି କହିଛନ୍ତି, “ମତେ ଲାଗୁଛି ଅନିଲ ସାପ ରକ୍ତ ପିଅନ୍ତି |”

ଅନିଲ ଭିଡିଓ ଦେଖିବା ପରେ ଅରବାଜଙ୍କୁ ମଜାକରେ କୁହନ୍ତି, ଏହା ସତ ଯେ ଆପଣ ଲୋକମାନେ ଟଙ୍କା ଦେଇ … ଅରବାଜ ତାଙ୍କୁ ଶୀଘ୍ର ନିଶ୍ଚିତ କରି କୁହନ୍ତି ଯେ କମେଣ୍ଟସ ୧୦୦% ସତ ଅଟେ | ତା’ପରେ ଅନିଲ କୁହନ୍ତି – ଜଣେ କହିଲେ ଯେ ମୁଁ ପ୍ଲାଷ୍ଟିକ ସର୍ଜନ ନେଇ ବୁଲୁଛି |

ବାସ୍ତବରେ ମୁଁ ବ୍ୟକ୍ତିଗତ ଭାବରେ, ବୃତ୍ତିଗତ ଭାବରେ ଏବଂ ଫାଇନାନସିଆଲି ବହୁତ ଭାଗ୍ୟଶାଳୀ ଅଟେ ଯେ ଏତେ ଭଲ ଲାଇଫ ଜିତିଛି | ମତେ ଫ୍ୟାନମାନଙ୍କର ଏତେ ଭଲପାଇବା ମିଳିଛି ଯେ ଯାହାଦ୍ୱାରା ମତେ ଭଲ ଦେଖାଯିବାରେ ସାହାଯ୍ୟ ମିଳିଛି | ସମସ୍ତଙ୍କ ଜୀବନର ଉନ୍ନତି ଏବଂ ଅବନତି ଆସିଥାଏ, କିନ୍ତୁ ମୁଁ ଭାଗ୍ୟବାନ ଅଟେ |

ମତେ ଲାଗୁଛି ଯେ ଦିନର ୨୪ ଘଣ୍ଟାରୁ ଯଦି ଗୋଟିଏ ଘଣ୍ଟା ବାହାର କରି ଆପଣ ନିଜର ଯତ୍ନ ନେଇ ପାରିବେ ନାହିଁ, ତେବେ ଏହାର କୌଣସି ପଏଣ୍ଟ ହିଁ ନାହିଁ | ଏହା ବ୍ୟତୀତ ଶୋ’ରେ ଅରବାଜ ଜଣେ ଟ୍ରୋଲରଙ୍କ କମେଣ୍ଟ ପଢି ଶୁଣାଇଥିଲେ, ଯିଏକି ଲେଖିଥିଲେ ଯେ, ଅନିଲ କପୁର ଏବଂ ତାଙ୍କ ଝିଅ ସୋନମ କପୁର ଟଙ୍କା ପାଇଁ କିଛି ବି କରିପାରିବେ | ଏହାଉପରେ ଅନିଲ କପୁର ଜବାବ ଦେଇ କହିଥିଲେ ଯେ, ବୋଧହୁଏ ଟ୍ରୋଲରଙ୍କ ଦିନ ଖରାପ ହେବ |