ମଧ୍ୟପ୍ରଦେଶର ଆଦିବାସୀ ପ୍ରାଧାନ୍ୟ ଜିଲ୍ଲା ଡିନ୍ଦୋରିରେ ଏକ ଅଜବ ଘଟଣା ସାମ୍ନାକୁ ଆସିଛି, ଯେତେବେଳେ ଜଣେ ବ୍ୟକ୍ତି ହସ୍ପିଟାଲ ପରିସରର ଗାଡି ପାର୍କିଂ ସ୍ଥାନରେ ଛେପ ପକାଇଲେ ଏବଂ ତାକୁ ଜିଲ୍ଲାର କଲେକ୍ଟର ରତ୍ନାକର ଝା ଦେଖିଦେଲେ | ସେତେବେଳେ ସେ ଏହା ଦେଖି ରାଗିଗଲେ ଏବଂ ଯେଉଁ ବ୍ୟକ୍ତି ଛେପ ପକାଇଥିଲେ, ତାଙ୍କ ହାତରେ ହିଁ ରାସ୍ତା ଉପରେ ପଡିଥିବା ଛେପକୁ ସଫା କରାଇଲେ | ଏହି ଭିଡିଓ ସୋସିଆଲ ମିଡିଆରେ ଖୁବ ଭାଇରଲ ମଧ୍ୟ ହେଉଛି |
ଡିନ୍ଦୋରି କଲେକ୍ଟର ପହଞ୍ଚିଥିଲେ ପର୍ଯ୍ୟବେକ୍ଷଣ କରିବାକୁ :-
କୁହାଯାଉଛି ଯେ ମଙ୍ଗଳବାର ଦିନ ଜିଲ୍ଳାଧିକାରୀ ଝା ହସ୍ପିଟାଲକୁ ପର୍ଯ୍ୟବେକ୍ଷଣ କରିବାକୁ ପହଞ୍ଚିଥିଲେ | ଏହି ସମୟରେ ସେ ଦେଖିଲେ ଯେ ଜଣେ ବ୍ୟକ୍ତି ଗୁଟଖା ଖାଉଛନ୍ତି ଏବଂ ସେ ସେହିଠାରେ ହିଁ ଛେପ ପକାଉଛନ୍ତି | ଏହା ଉପରେ ଝା ସେହି ବ୍ୟକ୍ତିଙ୍କୁ ବହୁତ ଗାଳିଗୁଲଜ କରିଥିଲେ | କେବଳ ଏତିକି ନୁହେଁ, ସେ ସମ୍ବନ୍ଧୀୟ ବ୍ୟକ୍ତିଙ୍କୁ ନିଜ ହାତରେ ଛେପକୁ ସଫା କରିବାକୁ କହିଲେ | ତାପରେ ଆଉ କଣ ହେବ, ତାକୁ ନିଜ ହାତରେ ହିଁ ସେହି ଛେପ ସଫା କରିବାକୁ ପଡିଲା | ଏହି ଘଟଣାକ୍ରମକୁ କେହି ଜଣେ ମୋବାଇଲରେ ରେକର୍ଡ କରିଦେଲା ଏବଂ ସୋସିଆଲ ମିଡିଆରେ ଭାଇରଲ କରିଦେଲା |
କର୍ମଚାରୀ ଗାଡ଼ିରେ ବସି ଛେପ ପକାଉଥିଲା :-
ଘଟଣାସ୍ଥଳରେ ଥିବା ଲୋକମାନେ କହିଛନ୍ତି ଯେ ଯେଉଁ ବ୍ୟକ୍ତି ଛେପ ପକାଇଥିଲେ, ସେ ଜନନୀ ସୁରକ୍ଷା ଏକ୍ସପ୍ରେସର କର୍ମଚାରୀ ଅଟନ୍ତି ଏବଂ ଗାଡ଼ିରେ ବସି ଛେପ ପକାଉଥିଲେ, ଯାହାକୁ କି କଲେକ୍ଟର ରତ୍ନାକର ଝା ଦେଖିଦେଲେ | ସୂଚନା ଅନୁଯାୟୀ, ଜନନୀ ସୁରକ୍ଷା ଏକ୍ସପ୍ରେସର କର୍ମଚାରୀଙ୍କୁ ସ୍ୱାସ୍ଥ୍ୟ ବିଭାଗର ଅଧିକାରୀ କାରଣ କହି ନୋଟିସ ମଧ୍ୟ ଜାରି କରିଛନ୍ତି |