ମହାନଦୀ କୁ ଡେଇଁଲେ ବିବାହିତା ଦମ୍ପତି, ଉଦ୍ଧାର ହେଇଗଲେ ହେଲେ ପରିଚୟ ମିଳିନି

ଗତକାଲି କଟକର ଜୋବ୍ରା ନିକଟରେ ଦୁଇ ଦମ୍ପତି ଆତ୍ମହତ୍ୟା ଉଦ୍ୟମ କରିଛନ୍ତି। ତେବେ ଉଭୟଙ୍କୁ ସୁରକ୍ଷିତ ଭାବରେ ଉଦ୍ଧାର କରିଛନ୍ତି ସ୍ଥାନୀୟ ଲୋକ ଓ ଅଗ୍ନିଶମ ବିଭାଗ। ଉଭୟ ଦମ୍ପତିଙ୍କର ପରିଚୟ ମିଳିନଥିଲା ସେଥିପାଇଁ ଉଭୟଙ୍କୁ ଏସସିବି ମେଡିକାଲ କଲେଜରେ ଭର୍ତ୍ତି କରି ଚିକିତ୍ସା କରାଯାଉଛି। ଚିକିତ୍ସା ପରେ ଉଭୟଙ୍କର ସ୍ୱାସ୍ଥ୍ୟ ଅବସ୍ଥା ଠିକ ଅଛି।

ସୂଚନା ଅନୁସାରେ, ପ୍ରାୟ ସନ୍ଧ୍ଯା ୫:୩୦ଟା ପାଖାପାଖି ଏହି ଅଘଟଣ ଘଟିଥିଲା। ପ୍ରଥମେ ମହିଳା ଜଣକ ଜୋବ୍ରା ବ୍ୟାରେଜ ନିକଟରେ ମହାନଦୀକୁ ଡିଆଁ ମାରିଥିଲେ। ତାପରେ ତାଙ୍କର ସ୍ଵାମୀ ମଧ୍ୟ ଡିଆଁ ମାରିଥିଲେ। ସେଠାରେ କିଛି ସ୍ଥାନୀୟ ବାସିନ୍ଦା ସଙ୍ଗେ ସଙ୍ଗେ ଅଗ୍ନିଶମ ବିଭାଗ ଓ ପୋଲିସକୁ ଏହି ବିଷୟରେ ସୂଚନା ଦେଇଥିଲେ।

ସେଠାରେ ଅଗ୍ନିଶମ ବିଭାଗ ପହଞ୍ଚି ତାଙ୍କୁ ଉଦ୍ଧାର କରିଥିଲେ ଓ ହସ୍ପିଟାଲରେ ଭର୍ତ୍ତି କରିଥିଲେ। କିନ୍ତୁ ଏ ପର୍ଯ୍ଯନ୍ତ ଉଭୟଙ୍କର ପରିଚୟ ମିଳିପାରି ନାହିଁ। ପୋଲିସର ଉଭୟଙ୍କର ପରିବାର ଲୋକଙ୍କୁ ପଚରାଉଚୁରା କରୁଛି। କିନ୍ତୁ ସେମାନଙ୍କର ପରିଚୟ ବିଷୟରେ ସ୍ପଷ୍ଟ କରିନାହିଁ। ଅନୁମାନ କରାଯାଉଛିକି ଉଭୟ କଟକ ପାଖାପାଖି ଆଞ୍ଚଳର ବାସିନ୍ଦା। ପୋଲିସ ଏହି ମାମଲାରେ ତଦନ୍ତ ଜାରି ରଖିଛି।